![detention](https://i0.wp.com/rmn.ph/wp-content/uploads/2017/10/detention.jpg?resize=506%2C337&ssl=1)
Ya puede ya recobri con todol tres maga detenido del Ayala Police Station quien ya escapa del Domingo madrogada.
Con el aca tres detenido si Ernard Villamor y Raveche ya puede cuji na Zone 7, barrio de Ayala banda alas 8 del Lunes por la noche.
Con Villamor ya pone dayun otravez na celda y ya man junto ya le con canda Eric Jauton sapayla y Eddie Jalalan Salazar.
Con el recobrida con el tres detenido gende quere decir salvao ya caso administrativo el cuantos pulis del Ayala.
Acordando del Domingo madrogada canda Sapayla, Salazar ambos ta enfrenta caso de droga y si Villamor wuine tiene caso de attempted homicide ya escapa na celda pormedio de pasar na ventilation window.
Domingo denoche si Sapayla ya rendi otravez na otoridad mientras con Salazar ya cuji na Tulungatung del Lunes antede man medio dia.