Davao City – Gipahinumdom sa health officials sa dakbayan ang mga basic ug gikinahanglang tumanon nga protocols aron malikayan ang Coronavirus Disease 2019 (COVID-19) labi na sa pagsugat sa Pasko unyang kaadlawon.
Atol sa One Davao on COVID-19 Virtual Presser gibutyag ni Dr. Ashley Lopez, Davao City Task Force COVID-19 Focal Person, nga kinahanglan nga magbaton og air ventilation kung asa maka-circulate ang hangin labi na sa mga sirado nga establisyemento.
Ikaduha, mao ang pagbaton og social distancing.
Ikatulo, ang pagsuot og face mask ug face shield.
Ika-upat mao ang dili pagpondo og kapin kinse (15) minutos sa usa ka pondok diin risgo kini kung adunay positibo sa COVID-19 sa lugar.
“So ang gi-promote ani sa DOH, we call it the BIDA sa pagdiriwang 2020, pagdiriwang ng Pasko. We have also to promote the Keri or Skeri 6 risk factors,” matud ni Lopez.
Gipasabot ni Lopez nga unod sa maong kampanya mao ang pagkamabinantayon sa mga tapok sa tawo diin dili na mabantayan nga wala nay social distancing ug wala natarong ang pagsunod sa mga basic health protocols sama sa pagsuot ug face mask ug face shield.
RadyoMaN Kirby Manzon
