3 ka banwa sa probinsya sang Iloilo ginpaidalum sa red category subong nga eleksyon

ILOILO – Ginpaidalum sa Red category ang banwa sang CALINOG, LEMERY kag MAASIN sa probinsya sang Iloilo may kaangtanan sa Mayo 2019 nga eleksyon.

Magluwas diri, ang Moises Padilla sa Negros Occidental ara sa man sa Red Category.

Ang mga lugar nga nalakip sa Red Category nagakahulugan nga ang banwa may problema sang election related violence base sa nakalipas nga piniliay, may intense political rivalry, kag may presensya sang armado nga grupo kaangay sang NPA kag mga terrorista.

Ang ara sa Red Category may possibilidad nga ipaidalom sa COMELEC Control.

Angot diri, mas ginapabaskog pa sang Police Regional Office (PRO) 6 ang seguridad sa bug-os nga Western Visayas.