3 ka BFP personnel sa Malaybalay nagpositibo sa COVID-19; fire station, naka-lockdown

Gipailawom sa temporary lockdown ang Malaybalay City Fire Station sa Purok-2, Barangay 2 ning siyudad, human makumpirmang na*gp*ositibo sa COVID-19 ang 3 nila ka mga kauban.

Sa kasayuran nga gipaabot sa RMN ni Fire Officer Paul Ronulo, nagsugod ang ilang lockdown niadtong Biyernes, Okubtre 9 human nga nigawas nga positibo sa COVID-19 ang usa nila ka kauban.

Niadtong Sabado, gipailawom sa swab test ang mga personahe nga adunay exposure sa positive case.


Kagahapon, nigawas nga adunay laing 2 ang ka BFP personnel ang positibo sa mao nga virus hinungdan aron ma-extend ang ilang lockdown.

Ang duha ka mga indibidwal na-exposed sa unang personahe nga nataptan sa virus.

Ang usa ka BFP personnel mao ang confirmed case number 116 sa Malaybalay, lumulupyo sa Brgy. 6 ug ang usa mao ang confirmed case 117 nga taga Brgy. 11. Susama kini silang asymptomatic ug naka-isolate sa NMWRC.

Gisiguro usab sa BFP Malaybalay nga maka-responde gihapon sila tungod kay adunay silay skeleton force ug adunay naka-duty sa ilang Landing Avinca fire sub-station.

Gitambagan usab ang mga FO1 aspiring applicants nga moderetcho sa Avinca Fire Substation para sa ilang ebalwasyon ug kinahanglang istriktong sundon ang COVID-19 preventive measures sama sa pagsuot sa face shield ug face mask.

Samtang ang ilang Fire code fee assessments/payments pagadawaton sa ilang Co-location Site sa Window 7, City Treasurer’s Office, City Hall, Malaybalay City gikan sa Lunes paingon sa Biyernes (8AM to 5PM).

Samtang fully operational usab ang ilang Aglayan Fire Substation ug Kalasungay Fire Substation, apil ang ilang Hino Super Tanker nga kasamtangang naka-stationed sa old city fire station.

Facebook Comments