General Santos City—Giturn-over na sa Department of Public Works and Highways (DPWH) Region 12 sa Local Government Unit (LGU) Polomolok ang P21.9 million nga kantidad sa modular isolation facility nga gipatukod sa Brgy. Pagalungan sa nasampit nga munsipyo.
Nasayran nga ang nasampit nga isolation facility adunay 32 ka mga isolation rooms nga adunay bulag nga quarters alang sa mga babaye ug lalaki, airconditioning system ug adunay kaugaling comfort rooms ang matag kwarto.
Gawas sa isolation rooms, aduna usab doctor ug nurse station, electrical room, laboratory, laundry area, mess hall, kusina ug gender-responsive utilities alang sa mga adunay special needs ug generator set.
Kahinumduman nga gimanduan ang tanan nga mga lokal nga panggamhanan nga i-expand ang ilang quarantine ug isolation facilities alang sa mga mild ug asymptomatic.
Gawas sa Polomolok, una nga nasayran giturn-over sa DPWH-12 ang 40-bed isolation facility sa Barangay Buayan ning dakbayan sa GenSan ug ang 80-bed health isolation facility sa Alabel, Saranggani.
Dako kini nga tabang sa kakulangan sa mga isolation facilities padayon nga pakigbatok sa COVID 19 sa Rehiyon-12.
For more info’s and updates, like and share our official facebook account: www.facebook.com/ifm91.9Gensanofficial/____
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation[image: 00000000000000000000000000000000000000000000000.jpg]
