BACOLOD CITY – Patay ang tatlo ka mga kabata-an matapos nga matupok gid ang ila puluy-an sa Purok Totong 4, Brgy. Felisa, syudad sang Bacolod.
Pasado alas-kahapon sang hapon sang masunog ang puluy-an ni Agerico Deloy Sr, 38 anyus, kag isa ka barangay tanod.
Madasig lang nga natupok ang ila balay bangud nga human ini sa light materials.
Nahibalu-an nga wala maka-gwa ang tatlo ka mga bata bangud nga gina-locked sang ila amay ang ila puertahan agud nga indi maka-gwa bangud nga malapit lang dalan ang ila balay.
Ang mga biktima ginkilala nga sanday; Arthur Deloy, 4 years old, Agerico Deloy Jr., 3 yrs kag Mary Auxencia, 2 years old.
Sa interview sang RMN-DYHB sa amay nga mga pasado alas 2 sang hapon iya pa gin-pauli ang iya mga kabata-an sa diin iya pa ini gindal-an sang pamahaw.
Antis maghalin ang tatay sa ila balay iya naman ginpa-andar ang ila TV kag electric fan agud malingaw ang iya mga kabata-an samtang ini siya ang ara sa guwa.
Samtang, antis naman sa pagluntad sang kalayo, may nabati-an naman nga lupok ang mga kaingod nga posible gikan sa nag-overheat nga appliance.
Wala naman sang kaupod ang tatlo ka mga bata bangud nga ila iloy ang naga-trabaho bilang isa ka domestic helper sa Dubai.
Napahibalo naman sang bana ang iya sa asawa sa luwas.
Gilayon man nag-responde ang DSSD kag opisyales sang barangay para sa assistance sa amay sang mga kabata-an partikular ang pagpalubong sa mga biktima.
