BACOLOD CITY – Naubos gid man ang swerte sang tatlo ka mga kawatan sang motor kag katapo pa sang akyat bahay sang ini sila ang na intercept sang mga katapo sang kapulisan pasado la una kaina sang kaagahon sa Yulo-Lizares St., Barangay 34, syudad sang Bacolod.
Ang mga ini amu sanday Jonel Ocay, 27, sang Purok Cagaycay, Brgy. 2, Mark Anthony Garcia, 27, sang Purok Kitahanon, Brgy. Banago kag Johnber Bandong, 27 taga Proper Poblacion, Cauayan.
Nagpablotter una sa Station 8 si Nieves Abao, 55 anyos, sang Brgy. Tangub nga nadula ang iya motorsiklo nga nakapark sa guwa sang ila nga balay.
Gilayon nga ginpatigayon ang operation tubtob nga natultulan ang ila hideout sa Barangay 34 sa diin narecover ang motor, spray paint kag iban pa gamit para sa pagstrongkal sang motor.
Narecover man ang isa TV nga ila ginbaligya sa Singcang sa diin ila man gin-ako nga ila ginkawat sa syudad sang Talisay.
Ang tatlo ang ginapatihan utok-utok man sang kinawatay motor kag pagpangsaka saka balay sa bilog nga probinsya.
