Sa pakighinabi sa DXDC RMN Davao kang Police Staff Master Sergeant (PSMS) Edmon Alcarion, imbestigador sa Kaputian PNP Sub Station, iyang giila ang biktima nga si Feljann Nudalo, 12 anyos taga Sitio Quidopong, Barangay Poblacion, Kaputian, IGaCoS, diin duol ra usab ang ilang balay sa lugar asa nahitabo ang insidente.
Saysay ni Alcarion nga ayha ang insidente, nangaligo ang tulo ka magsoon nga lalaki nga pulos mga menor de edad, ug didto na sila natingala nga wala na nakatunga ang biktima rason nga sila nagpatabang sa tawo sa palibot, diin dali usab nga miresponde ang ilang ginikanan ug kabanay.
“Base sa among imbestigasyon sa kadtong naka-retrieve ato, naa na to sya didto sa ilalom. Mura’g na-ong-ong bitaw sya sa bato. Mura’g nasuyop sya didto ba. Nag-ong-ong kay mura’g naa man gud nay langub diha sa ilalom. Nasabod siya didto sa babaan sa bato, kadtong mura’g pangpang,” saysay sa imbestigador.
Gidala pa sa ospital ang biktima apan nabawian ra usab kini sa iyang kinabuhi. Matud sa imbestigador nga walay foul play ang insidente. Una na usab nga gipahimangnoan ang mga bata nga dili mangaligo sa lugar tungod sa kadelikado niini.
RadyoMaN Kirby Manzon
