Sa interview sa DXDC RMN Davao kang PSSg. Ramon Bibera, imbestigador sa Nabunturan Municipal Police Station (MPS), iyahang gibutyag nga ang motor gisakyan sa tulo ka babaeng mag-igsoon nga padulong sa eskwelahan nga nag-edad og 23 anyos (driver), ug 18 anyos nga kambal nga mga angkas sa motor.
Sa imbestigasyon, nagsubay sa susamang direksyon ang motor ug ang usa ka kotse (Sedan) padulong sa sentro sa Nabunturan sa dihang nahitabo ang aksidente.
“Pag-abot didto sa area of incident, niminor ang kotse kay matud sa driver sa kadtong nag-una nga kotse, naay tricycle nga hinay og dagan. So, niminor siya. Pag-slowdown niya, ang nagsunod sa iyaha nibangga sa iyahang lubot, kadtong mga estudyante,” saysay sa imbestigador.
Sa pagkakaron, walay pay impormasyon kung unsa ang mamahimong dagan sa kaso o duna bay settlement nga mahitabo tali sa duha ka kampo.
RadyoMaN Kirby Manzon
