Dipolog City – Nasakpan ug nadakpan sa kapolisan ang tulo ka menor de-edad nga maoy responsable sa paglungkab sa mga baratilyo, kaganihang alas 2:30 sa kadlawon didto sa dalan rizal korner burgos partikular kilid sa vallecer, barangay central, dakbayan sa dipolog.
Ang mga menor de-edad nga nadakpan mao sila Joshua 12 anyos, taga purok kamungay barangay galas, alias bayot 11 anyos, ug alias Talo 12 anyos polos taga purok 7, barangay sta. Isabel.
Sa interview sa rmn dxdr karon buntag ngadto kang SPO4 Zotico Calago ang head sa PCR sa dipolog pnp, nibutyag nga ang duha sa mga dinakpan nagsige na ug balik -balik sa ilang buhatan apan ila ra sab gitugyan sa ilang mga ginikanan .
Sumala pa nga nibalik sa gihapon sa maong binuhatan, kon diin ilang nadawat ang report, kabahin sa lungkab sa dapit ug gilayon girespondihan didto na nagkaginukdanay uban sa tabang sa mga drayber sa habal-habal, hangtud ilang nasakote sa dalang Martinez korner general luna barangay central.
Nabawi sa posisyon sa tulo ka menor de-edad ang nagkadaiyang alahas duha ka cell phone ug daghanan sensilyo nga gituhoan halin sa baratilyo.
Gidugang pa ni SPO4 Zotico Calago ila pa karon subayon kon duna bay nagpaluyong dakong groupo ug nigamit sa mga menor de-edad ilabi na nga kursunada na kaayong mohimo sa maong binuhatan.
Sa dihang nahinabi sa rmn news team ang mga menor de-edad kon nganong ilang nabuhat ang maong krimen, nibuyag ang isa sa dinakapn nga gumikan sa ilang nasinating kagutom maoy nagtukmod kanila sa paghimo sa pagpangawat nga matud pa ilang ibaligya ang makuhang mga butang aron ipalit ug pagkaon.
Karon adlawa ipatawag sa kapolisan ang pabayang mga ginikanan ngadto sa buhatan sa Women and Children’s Protection Desk (WCPD).
