Dipolog City – Tulo ka mga bata ang namatay human nangalumos sa ilang pagpangaligo niadtong domingo bandang alas 12:00 sa udto, sa usa ka beach resort sa Brgy. Galas ning dakbayan sa Dipolog, Particular kilid sa Galas Port.
Sa report nga nakuha sa rmn dxdr gikan sa City Disaster Risk Reduction Management Office sa Dipolog, nasayran ang nalumos mao ang magsuon nga sila Leslie Mayuela, 12 anyos, usa kini ka babaye, ug Janiel Mayuela 9 anyos, lakip ang ilang silingan nga si Christian Sumiton, 10 anyos nga polos temporaryong nagpuyo sa Purok Sampaguita, Brgy. Gulayon ning dakbayan.
Sumala pa report, nangaligo ang maong pamilya sa maong beach resort atol nga dunay nagsaulog ug birthday, apan sa ilang pagabot sa dapit, ang tulo ka mga batang gihinganlan diretso matud pa mitigpasaw sa dagat.
Gikaigon pa nga nataligam-an ang mga bata sa nagbantay niini, didto nabantayan nga nahanao na ang tulo kon diin gihapak na diay sa kusog nga balod ug nadala sa lawom.
Nagtaparay ang tulo nga nakit-an ug wa nay pamimuot dihang nahaw-as kini sa dagat.
Ang personahe sa CDRRMO nga niresponde sa dapit nisulay tabang nga gidayun hatud sa Corazon C. Aquino Hospital, apan ang duha ka mga batang lalaki nga sila Janiel ug Christian gideklarar nga dean on arrival sa nag-atiman nga doctor.
Samtang ang batang babaye nga si Leslie pipila ka minutos nisunod ra usab ug kamatay.
Sa follow-up sa rmn dipolog kagahapon nasayran nga ang magsuong bata gidala na sa iyang pamilya ngadto sa lungsod sa Jose Dalman ning lalawigan aron didto ipahiluna samtang ang lain biktima anaa pa sa St. Peter Chapel ning dakbayan.
