3 ka mga drug suspek nga nasikop sa operatiba sa PDEA-10, pasakaan na og kaso karong adlawa!

41
Ang mga suspek atol sa drug bust sa usa ka freeze assets sa pamilyang Parohinog/Photo by: PDEA-10

Posibleng mapasakaan na og kaso karong adlawa ang 3 ka mga drug suspek nga nasikop sa mga operatiba sa Philippine Drug Enforcement Agency kon PDEA-10 niatong nakalabay’ng adlaw.  Kini human nga naandam na sa raiding team sa pagpangulo ni PDEA Misamis Oriental Provincial Officer Expedito Cardona ang mga dokumento nga ipasaka ngadto sa prosecutor’s office.

Naila ang mga suspek nga nalambigit sa iligal nga druga nga sila si Cesario Duetes, Jr., ang gi-ingong drug den maintainer, Jhonbie Leonozo ug si Richard Dutusme nga pulos mga hingkod ang panuigon ug residenti sa Golden Glow sa Upper Carmen ning syudad sa Cagayan de Oro.

Kahinumduman nga nasikop ang mga suspek sa gilusad nga drug bust oepration sa mga operatiba sa PDEA-10 Regional Special Enforcement Team sa usa ka drug den nga nasayrang usa sa mga na freeze sa Anti-Money Laundering nga assets and properties sa pamilyang Parohinog.


Gikabutyag nga karong adlawa ipasaka na ang kaso batok sa mga dinakpan ngadto sa prosecutors office nga dunay kalambigitan sa pagsupak sa Republic Act 9165 kon mas nailang Comprehensive Dangerous Drugs Act of 2002.

Kasama mo sa PDEA-10, RadyoMaN Andy Coco, DXCC Tatak RMN!

Facebook Comments