3 ka mga kalaberang gi-ingong biktima sa pagpangdagit, gi-firing squad ug gilubong sa mga NPA, gikalot sa AFP

75

Gipangunahan sa Eastern Mindanao Command (Eastmincm), pinaagi sa 10th Infantry Division, nga maoy nanguna sa Inter-Agency Group ang pagkalot sa tulo ka mga kalaberang gilubong sa mga New People’s Army kon NPA didto sa Barangay Digongan, Kitaotao, Bukidnon kagahapon sa buntag.

Ang tulo ka patay nga lawas nga gikalot nailang sila si Joel Rey Galendez, usa ka retiradong policeman, Dionisio Camarullo Havana, usa ka tribal leader sa San Francisco, Agusan del Sur, ug Army Sgt Reynante Havana Espana.


Sa interview sa RMN DXMB Malaybalay ngadto kang Lt. Col. Silas Trasmontero, ang Commander sa 89th IB, PA, gibutyag niini nga ang maong mga biktima gibulgar sa usa ka miyembro sa Komiting Rebolusyonaryo sa Municipalidad (KRM) kinsa nag-withdraw sa ilang suporta sa NPA kaniadtong Agosot 7, 2019, human gipahigayon sa 89th Battalion ang Community Support Program (CSP) sa mao nga barangay.

Ang Barangay Digongan nahimong sentro sa shadow government nga KRM, nga gi-organisa sa CPP-NPA sa Pantaron Range nga tri-boundary sa Bukidnon-Agusan del Sur-Davao del Norte.

Nahagsa matud pa ang KRM human nga nagwithdraw ang komunidad sa ilang suporta ug gideklara ang mga NPA nga persona non grata sa ilang area kaniadtong August 7, 2019.

Nasayran sa taho sa San Fernando, Bukidnon Municipal Police Office, nga gi-abduct ang tulo ka biktima kaniadtong August 22, 2017, human ang giihmong pagharang sa NPA sa Sitio Nabunturan, KAlagangan sa mao nga lungsod.

Matud pa ni Col. Transmontero nga gibulgar nila ni Evelyn Galendez, igsoon ni Joel Rey Galendez, ug Aida España, asawa ni Sgt. Easpaña nga nagpadala sila ug kwarta sa mga abductors hangtod Hulyo ning tuiga apan ilang gi-undang human nga wala nahatag sa NPA ang demanda sa pamilya nga mupakita ug pamatood nga buhi pa ang mga biktima.

Facebook Comments

From Advertisers