3 ka mga mangngilad takdang pasakaan ug kaso sa PS-3

General Santos City–Takdang pasakaan ug kasong estafa sa Police Station 3 ang tulo ka mga suspect nga silang Felipe Jayme Jr. 37 anyos, marketing coordinator, Leonilyn Rabes Jayme, 36 anyos, distributor ug Rey Jayme Tudtud, 39 anyos, driver nga parehong nanimuyo sa Zamboanga Del Sur kansa nasikop sa gipahigayong Entrapment Operation sa kapulisan alas 9:30 sa gabie sa Zanrock Microtrel nga nahimutang sa Barangay Lagao ning syudad.

Sumala pa ni Police Lieutenant Felix Minion III, ang Deputy Chief of Police sa Police Station 3 nga midangop kanila ang mga biktima sa kumpanya nga FGJ Trading and General Services/Core Of Dreams Corporation kung asa wala matud pa naka pay-out sa saad sa mga suspect nga 50% nga interest sa ilahang gi-invest sulod sa usa ka bulan ug subling nag pa pay-in ang mga suspect hinungdan nga gipadakop.

Gidawat matud pa ni Felipe ang mark money hinungdan nga gilayon siyang gisikop kung asa narecover sa iyang posisyon ang P23,000 nga boodle money napulo ka mga Core Of Dreams Perfume, Notebook ug Cash nga nagkantidad ug P38,000.00.


Sa kasamtangan nagtingkagol ang mga nahisgutang suspect sa selda sa Police Station 3 samtang gina-andam na ang kaso batok kanila.

Buot man usab karon sa mga investor nga mabalik ang ilahang kwartang gi-invest sa mga nahisgutang suspect ug mapreso ang mga nahisgutan sa ilahang gihimo nga pag pangilad aron nga mahatagan usab ug hustisya ang nahitabo kanila.

Sumala pa ni alyas Marie nga gisaaran matud pa sila sa mga nasampit ug dakong interest sa ilang gi- invest sulod sa lang sa usa ka bulan tungod kay naga trade matud pa sila sa forex.

Apan subra na usa ka bulan ang milabay wala matud pa sila nakakuha sa ilahang pay-out ug panahon nga schedule na sa pay-ouit aduna matud pay ihatag nga rason ang mga suspect aron nga masibog ang schedule.

Hangtud sa niabot matud pa sa panahon nga gikinahanglan na usab ug kota nga mapasulod ang mga investor aron nga sila mahatagan ug pay-out hinungdan nga mao kini ang gihimong higayon sa mga biktima aron nga ipa-entrap ang mga suspek.

Sa karon anaa matud pa sa 18 ka mga tao ang biktima sa maong investment scheme ug posible kini madunganan kung mangabot na ang uban nga biktima gikan sa managlahing lugar sa Mindanao.

Samtang gisuwayan man usab ug hinabi sa DXMD-RMN Gensan ang mga akusado apan wala na kini mihatag pa sa ilahang pamahayag.(Dave Silagan)

Facebook Comments