Nagbungguanay ang tatlo ka mga salakyan sa national highway Barangay Paraiso, Koronadal City pasado alas 5:00 kahapon nga adlaw, Hunyo 29,2020 .
May-angot sini, pilason naman ang driver sang tatlo ka mga salakyan nga gilayon nga ginpaidalom sa medikasyon.
Ginkilala ang mga biktima nga sanday Glen Salvatiera, 24-anyos sang Barangay Morales Koronadal City, Rjay Viajar 21- years old sang Barangay San Vicente Banga, South Cotabato kag Francis Matulac sang Ambalgan Sto. Nino, South Cotabato nga nakaggwa na sa ospital.
Sa imbestigasyon sang Koronadal City Traffic nga ginbungguan sang pick-up nga ginamaneho ni Viajar ang nasugata nga Fuso Truck nga may karga nga saging, matapos mawad-an suno pa sang control kag tungod madasig ang dalagan sini kag nagpadulong sa center lane sang highway sang mag-overtake sa ginasundan nga Toyota Innova nga ginamaneho ni Salvatiera.
Tungod sa kabaskugon sang pagbangga sang pick-up sa truck nagtiyog ini sa highway nga nangin kabangdanan sa pagbangga sa Toyota Innova kag tungod man suno pa sa madanlog ang dalan tuga sang pag-ulan.
