3 ka mga top drug personalities nakuha’ag armas ug P80k shabu

Davao City – Malampusong nadakpan atol sa buy bust operation sa mga personahe sa Bunawan Police Station sa pagpanguna ni Police Major Jake Goles, Station Commander ang tulo ka mga top drug personalities kaganihang alas-2:50 sa kadlawon, Enero 6,2024 sa Block 3, Muslim Village, Brgy llang, Bunawan District, Davao City.

Atol sa interbyu sa DXDC RMN Davao kang Goles, giidentipika niini ang mga gikonsidera g mga High Value Targets nga sila Abdul Sahibil alyas Lebi, Top Drug Personality Regional Level kansang gapayuhot usab og droga dili lang sa Bunawan area pati na sa Panabo City, Edner Ismael, Top 3 sa City Level ug Mark Anthony Bariola, Top 4 sa City Level.

Anaa sa 11.72 gramos ang suspected shabu ang nakuha sa posisyon sa mga drug suspects.

Nasakmit usab kang alyas Lebi ang .38 nga armas.

Segun ni Goles, dakong epekto ang pagkasikop karon sa tulo ka mga suspek aron sa paggukod pa sa ubang mga pushers aron muhinay na ang baligyaay sa illegal nga droga.

Karong, Lunes ipasaka batok sa mga suspek ang kasong paglapas sa RA 9165 kun Comprehensive Dangerous Drugs Act ug RA 10591 Illegal Posession of Firearms.

RadyoMaN Aimee Guinita