Sa interview sa DXDC RMN Davao kang Police Lieutenant Colonel Jason Baria, Acting Chief of Police sa Pantukan Municipal Police Station (MPS), iyang gibutyag nga ang mga biktima 3 ka minero ug usa ka babae nga taga Maco, Davao de Oro ug taga Tagum City, Davao del Norte.
Gisaysay ni Baria subay usab sa testimonya sa mga biktima, kalit na lamang silang giduol sa wala mailhing upat ka indibidwal ug didto na sila mideklara’g tulis ug mipabuto sa kaduha ka higayon, rason nga naigo ang usa ka lalaki nga daling gidala sa ospital sa Tagum City.
“Bigla daw may lumapit na apat daw katao sa kanila na naglalakad. Tapos with hesitation pinaputokan daw sila tapos pinadapa. Mao to nga natamaan yung isa. Then, ninakawan sila ng cellphones nila dalawa, tapos yung cash daw na more or less P50,000,” saysay ni Baria.
Dugang sa police official nga lakip sa ilang giimbestigahan ang background sa mga biktima, kung asa naga-operate ang mga minero ug kung nag-unsa sila sa lugar nga bisperas sa eleksyon niadtong higayona.
RadyoMaN Kirby Manzon
