Ginpapangalan ang tatlo ka minor planets sa tatlo ka Pilipino students nga nagdaog sang major prize sa 2018 Intel International Science and Engineering Fair (ISEF).
Sa Facebook page, gin-anunsyo sang Department of Education (DepEd) nga nagbaton sang certificate sanday Eugene Rivera, Joscel Kent Manzanero, kag Keith Russel Cadores gikan sa Camarines Sur National High School sa Naga City, Camarines Sur para sa minor planet kag orbital plot.
Nagdaog sang Second Place Award ang tatlo ka estudyante sa “Energy: Physical” category sang 2018 Intel ISEF para sa ila disensyo kag development sang Solar-Tracking Arduino-Rooted PV Panels.
Ginrepresentar sang tatlo ang Pilipinas sa international science fair kasunod sang ila pagdaog sa 2018 National Science and Technology Fair (NSTF).
Ginpahayag sang kagawaran nga sugod 2001, ginapangalanan sang Massachusetts Institute of Technology (MIT) Lincoln Laboratory ang mga nadidiskubreng asteroids para hatagan sang pagkilala ang mga high school student nga nagpakitang-gilas sa science competitions.
Photo from web/ PCTTO
