Report ni: Tita Jen Palomo Debaja
Arestado ang 3 ka pinay sa ginpatigayon nga raid sang Salwa Police sang Lunes Setyembre 24, 2018 sa isa ka apartment kaupod ang 6 ka Kuwaitis kag pila ka cross dressers matapos gin reklamo ang mga ini sang public disturbance resulta sang “wild partying”.
Base sa masaligan nga security source, ginpatigayon ang raid matapos nakabaton sang complaint ang Operations Room sang Ministry of Interior nga may gina hiwat nga party sa lugar kag nagatuga sang inconvenience sa mga residente sang apartment.
Sang gin raid ang lugar, nakita ang 6 ka Kuwaitis, 3 ka Filipina kag pila ka cross-dressers sa nasambit nga party. Gin release naman ang mga Kuwaitis matapos nagpirma ang mga ini nga indi na mag partisipar sa pareho nga aktibidadis.
Gina preparar naman sang otoridad ang nagakaigo nga papeles para sa deportation sang tatlo ka mga pinay.
