Report ni: Jennifer Debaja Palomo
Ginkumpirmar kagab-i , Hulyo 8 sang Department of Foreign Affairs (DFA) ang pag abduct sang 5 tanan ka OFW sa Libya kag Iraq sang Biyernes kag padayun ang negosasyon sa relis sang mga ini.
“We are in touch with authorities in Iraq and Libya and have requested their assistance in locating and securing the release of our missing kababayan,” pahayag ni DFA Sec. Alan Peter Cayetano.
Sa inisyal nga report sang Philippine Embassy sa Baghdad 2 ka Pinay ang gin abduct sang wala pa makilala nga mga armado nga kalalakihan sa highway sang Uzem District, South sang Kirkuk, Iraq.
Sa report ni Chargé D’affaires Julius Torres sakay ang 4 ka pinay halin sa Kurdistan kag padulong kon tani Sa Baghdad sang ginpadulog sila sang armado nga kalalakihan.
Dugang ni Torres, natigayon kag nakapalagyo ang 2 ka pinay kag yara na sa kostudiya sang mga pulis.
Samtang , 3 naman ka Pinoy technicians ang gin abduct sa Libya kaupod ang 4 pa ka foreigners sa ginatrabahuhan sang mga ini nga waterworks site.
Ginpahayag ni Chargé D’affaires Mardomel Melicor sang Philippine Embassy sa Tripoli nga ginsulod sang mga suspetsado ang construction site, 500 ka kilometros halin sa kapital sang biyernes sang aga kag pilit nga ginkuha ang 5 ka foreigners kag 4 ka Libyans sa quarters sang mga ini.
Ginrelease naman sang mga suspek ang isa sa mga foreigner kag tanan nga Libyans.
Wala pa ginpahibalo kagab-i ang pamilya sang mga biktima samtang gina tipon pa sang DFA-Office of Public Diplomacy ang klaro nga detalye kon sin o ang mga abductors ,kon ano ang kabangdanan sa pagkuha sa ika kag kon diin sila gindala.
