Davao City – Nagpadayon ang imbestigasyon sa kapulisan aron maila ang mga suspek sa pagpanglungkab sulod sa usa ka mall sa Apokon Road, Tagum City, Davao del Norte alas 10:00 sa gabii niadtong September 5, 2023
Sa impormasyon nga gipadala sa DXDC RMN Davao ni Police Lieutenant Colonel Jeffrey Latayada, Officer-In-Charge sa Tagum City Police Station (PS), nasibat sa mga suspek ang anaa sa P9 million kantidad sa alahas gikan sa vault sa usa ka jewelry store, samtang kapin P4 million ang nawala gikan sa automated teller machine (ATM).
Sa inisyal nga imbestigasyon, igo na lamang nadiskobrehan sa usa ka empleyado sa mall alas 8:00 sa buntag niadtong September 6, 2023 nga aduna nay bangag ang basement exit sa establisemento.
Sa closed-circuit television (CCTV) footage, dili makita ang dagway sa tulo ka suspek tungod sa ilang gibutang nga tabon, apan paningkamutan sa otoridad nga ma-identipika nahisgutan ug mapanubag sa balaod.
RadyoMaN Kirby Manzon
Facebook Comments
