Sumala kang DCWD Spokesperson Jovanna Duhaylungsod, ang Dumoy Water System, Tugbok System, ug Lubogan System nadamay sa baha nga mihampak sa 11 ka mga barangay sa siyudad sa miaging mga gabii.
Gingon ni Duhaylungsod, giputol sa Davao Light ang suply sa kuryente sa mga barangay nga gibahaan isip kabahin sa safety measures hinungdan naapektaran sab ang mga makina sa tulo ka water system nga gigamitan og kuryente diin mao kini ang nahimong rason nganong wa’y agas sa tubig sa mga lugar nga gibaha, kung asa ang pinakadaghang konsumanteng nawad-an og tubig mao ang Dumoy Water Supply System.
Ug pagka-adlaw’ng na huwebes giatiman sa Maintenance sa DCWD ang pag-ayo sa mga pipeline nga natam-an sa pagbaha gikan sa 6:00 sa buntag ug nahuman sa 9:00 sa gabii busa mibalik na sa normal ang agas a tubig.
Gawas sa Dumoy Water Supply, padayon pang anaa sa recovery stage ang mga lugar niini busa lauman nga hinay pa gihapon ang pressure sa ilang mga gripo hangtod ning panahona, suma kang Duhaylungsod.
RadyoMaN Joel Viray
