Sa impormasyon gikan kang DCPO Spokesperson Police Captain Hazel Tuazon, buot iimplementa sa bag-ong regional director ang ‘3-minute response rule’ o ang abtik nga pagresponde sa kapulisan sa panahon nga adunay kriminalidad.
Samtang sa nauna sab nga pakighinabi sa DXDC RMN Davao kang Police Major Catherine Dela Rey, tigpamaba sa PRO XI, gibutyag niini nga gitahasan ang mga Station Commander nga aksyunan ug sulbaron dayon ang mga krimen.
“Di man gyud nato makontrol ang mind ug binuhatan sa mga tawo. Ang mandate lang sa atong Regional Director sa mga station commanders nga kung naay mahitabo sa ilang mga Area of Responsibility (AOR), adunay mga krimen, dapat ma-solve gyud nila as soon as possible para mahatagan sad og hustisya ang mga biktima,” sulti ni Dela Rey.
Samtang una nang gisulti ni Torre sa Davao media nga top priority niya karon mao ang tiunay nga PNP mission o ang paglusad og police operations nga nasubay sa balaod, pagsugpo sa mga krimen ug pagpabiling lig-on sa relasyon sa kapulisan ug sa komunidad.
RadyoMaN Ivy Parido
