Naaresto ng mga operatiba ng Philippine National Police-Criminal Investigation and Detection Group (PNP-CIDG) ang tatlong regional most wanted persons ng Region 3 sa magkakahiwalay na manhunt operations na isinagawa sa Bataan at Olongapo City.
Sa bisa na rin ng warrants of arrest nadakip sina alyas Lester at Michelle na wanted dahil sa paglabag sa RA 9165 o Comprehensive Dangerous Drugs Act habang si alyas Dennis naman ay wanted dahil sa paglabag sa RA 7610 o Anti-Child Abuse Law.
Nabatid na sina alyas Lester at Michelle ay nasakote sa kani-kanilang hide out sa Bataan habang si alyas Dennis naman ay nadakip sa Olongapo City.
Ang mga suspek ay nasa kustodiya na ngayon ng CIDG.
Facebook Comments
