Tulo ka mga lalaki ang nadakpan sa joint operation sa National Bureau of Investigation ug Land Transportation Office-7 tungod sa reklamo nga nanghimo kini ug driver`s license .
Unang nadakpan sa entrapment operation si Alecan Caya Abadines sud sa usa ka convenience store sa Yati ,Liloan amihanang Sugbu .
Sa follow-up operation nadakpan usab ang laing duha nga sila si Alex Fuentes Donatel alyas Jimmy Lao ug kauban niini nga si Michael Estrera Cabigas didto sa Cansaga Consolacion.
Nadiskubri sa LTO-7 ang pagpameke ug lisensiya sa mga suspek human adunay niadto sa ilang buhatan nga magproseso na unta sa plastik sa ilang lisensiya , ug didto nasayran nga peke ang ilang dokumento .
Mag-atubang mga dinakpan ug kaso nga estafa ug falsification of public documents.
