Davao City – Sikop ang mga nagpakaarong ingnon nga National Bureau of Investigation (NBI) agents atol sa gipahigayong special operation niadtong Miyerkules sa hapon (July 15, 2020).
Naila ang mga suspek nga sila Welhelm Cubelo, 40 anyos, minyo, negosyante ug residente sa FS Pajares St., Gatas, Pagadian City, Zamboanga, Del Sur, Mario Quisada, 48 anyos, minyo, ug residente sa Purok 28V, Madaum, Tagum City ug Matias Relacion, 50-anyos, minyo ug residente sa Km. 15, Indangan, Dizon, Buhangin, Davao City.
Sa report sa Davao City Police Office (DCPO), samtang nagpahigayon og operasyon ang otoridad batok sa usa ka Jonathan James Arce Chu, 30 anyos, minyo, negosyante ug residente sa Rhine St., Brgy 19-B, Garcia Heights, Davao City nga nag-atubang og kasong Estafa, mi-babag ang tulo nga mga nagsuot og NBI uniform, apan nasayrang usa lamang sila ka civilian agents sa NBI Tagum City hinungdan usab sa ilang pagkasikop.
Nakuha sa ilang posisyon ang mga armas, NBI badge nga walay numero, usa ka sakyanan ug mga cellphones.
RadyoMaN Kirby Manzon
