EASTERN SAMAR – Nagpaanod-anod man ha dagat, buhi nga nakit-an an tulo nga tawo nga biktima han bagyong Basyang.
Dida han martes, sumakay ha sakayan pandagat an tutulo nga biktima nga hira Edwin Marquito, 45 anyos, Norma Princillo, 36 anyos, Avelina Cadelo, 40 anyos, mabalik na unta hira ha Homonhon Island tikang ha Guiuan proper han kastiguhon an ira ginsasakyan hin dagko nga balod ngan makusog nga hangin rason han ira kataktak.
Ha eksklusibo nga interview han RMN kan Ronald Joseph Hamtig, acting chief master of arms han Phil. Coast Guard Eastern Samar, nahikit-an na ini nga tutulo ha Brgy. Loreto, Surigao del Norte.
“Nakarating po na impormasyon sa amin and kinomfirm namin, yung tatlong nareport natin na missing ay natagpuan na pong buhay sa Brgy. Loreto Tinian island, Surigao del Norte.”
Tungod han delikado nga gin-agian han mga biktima, padayon nga ginbubulong an mga ini ha Surigao del Norte.
Dugang han opisyal, waray hira magkulang han pagpahibaro ha mga residente ha probinsya han Eastern Samar nga kun may malain nga panahon, ayaw na gudla pagpasipara nga lumakat ngan sumakay hin sakayan-pandagat.
