Davao City – Ni-surrender ngadto sa kasundaluhan ilawom sa 1002nd ug 1003rd Infantry Brigades ang 11 ka mga miyembro sa New People’s Army.
Giila sa 10th Infantry “Agila” Division ang mga kanhi mga rebelde nga sila Alias CARDING/ARMAN, Alias ROCKEY, Alias TBAN, Alias GOLIAU Black,Alias CVARIEL, Alias TAMSI, Alias BOYKA ug Alias HAPPY kinsa sakop sa Far South Mindanao Region.
Subay niini, giakomodar usab sa militar ang pagtahan sa 20 anyos nga miyembro sa Guerilla Front Musa under FSMR in Barangay Sugal, Jose Abad Santos, Davao Occidental diin lakip sa iyahang .45 kalibreng pistola ug uban pang kagamitan, ug laing duha pa ka mga rebelde nga ni-surrender usab niadtong Disyembre 8, 2021 sa -Talaingod, Davao Del Norte nga sila kanhi Militia ng Bayan ug Courier of Sub-Regional Guerilla Unit (SRGU) nga si Dampan Kompiot alias Dampan ug Junior Buntulan Ehem alias Pawan.
Tulo usab ang nadakpan sa kasundaluhan atol sa nahitabong engkwentro tali sa mga armadong NPAs nga gipanguluhan ni Ka Mandy niadtong Disyembre 7, 2021 didto sa Sitio Pusod, Brgy Cayaga, San Fernando, Bukidnon.
Giila ang mga nadakpan nga sila Alias BEAUTY usa ka Platun Medic, Alias EBA, Supply Officer ug Alias AILYN nga usa ka squad Medic.
Sa series of operations sa 10ID gikan December 5 hangtod 8, 2021, narekober usab ang pipila ka mga high powered firearms, M60 Machine gun ug uban pang gamit pang gyera sa NPA.
Gipanganti ni 10th Infantry Division Commander MGen Ernesto C Torres Jr nga magpadayon ang iintensive military operations sa ilahang area of responsibility aron mahunong na ang mga pagpanghasi ug pagpanghulga sa NPA sa entero Southern Mindanao.
RadyoMaN Aimee Guinita
