Na ica segundo dia despues ya asumi na puesto como el commander del 104th Brigade/Joint Task Force Basilan si Col. Fernando Reyeg, tres maga miembro del Abu Sayyaf Group el ya rendi junto con el diila maga armas de fuego.
Maga quien ya man surrender amo maga seguidores del defunto Sub-leader Masud Tanajalin alias Abu Talha, nombrao como canda Samir Laarin, 33, Ramil MObarak, 33 y si Naim Majid, 31, todo maga residente de Upper Sinangkapan, Akbar Municipality, Basilan.
El tres ya entrega tambien el diila dos garand y m16 rifles con maga bala.
El maga bandido ya entrega diila cuerpo con el 3rd Scout Ranger Battalion bajo con Lt. Col. Montano Almodovar encoordinacion con el maga del local chief executives of Akbar Municipality – Vice Mayor Ali Sali; SB member Abdul Halik S Yusop; Brgy Chairman Nuruddin M Nasirin del Upper Sinangkapan y Provincial Board Member Faisal Salih, in Barangay Sinangkapan, Akbar, Basilan Province.
