Polanco, Zambonga del Norte – Tulo ka kinabuhi ang nakalas samtang duha ang pabiling giobserbahan ang kahimtang human gabanga-anay ang duha ka motorsiklo atol sa pagsugat sa bag-ong tuig 2020.
Ang aksidente nahitabo sa National Highway sa may Sitio Sikot, Barangay Dansullan lungsod sa Polanco ning Probinsiya sa Zamboanga del Norte, bandang alas 11:40 sa gabii.
Sa nakuhang report rmn dxdr, patay ang driver sa Honda wave nga si Nelson Dayna Jr. 23 anyos, ulitawo, samtang patay sab ang iyang angkas nga silingan nga si Alexander Monteza, 17 anyos og kritikal ang kahimtang sa ig-agaw nga si “Deding Dayna”, 20 anyos nga parehong mulupyo sa Barangay Dansullan, Polanco.
Samtang patay sab ang driver sa ilang gikabangga nga xrm 125 kolor puti og itom combination nga nailang si Richard Jumalon, 25 anyos, minyo, angkas ang silingan nga si Jovengie Salmin, 27 anyos, kinsa nabalian og tuong bati-is og samad sa ulo, parehong mumulpyo sa Barangay Milad, lungsod sa Polanco.
Sa interview sa rmn sa pamilyang Jumalon nga nibiya sa ilang balay si Richard uban sa ilang silingan sakay sa xrm, tuyo unta moadto sa gitrabahoan niining bansohan sa Barangay Galas, Dipolog City aron paandaron ang unit nga sakyanan nga iyang gidrayban, palihi sa new year, apan gikatabo nila ang Honda Wave nga gimanehoan ni Nelson hinongdan sa aksidente.
Ang lima ka mga sakay sa motorsiklo gikaigong polos way mga helmet parehong nakahiagom og head injury kinsa gihatud sa taga rescue personnel sa Provincial Hospital apan tulo gidayon niini ang parehong gideklarar nga Dead on Arrival.
