3 patay ha bungguay han mga sarakyan ha Abuyog, Leyte

3730

TACLOBAN CITY – 3 patay matapos magbungguay an duha nga sarakyan ha Brgy. Balinsasayao, Abuyog, Leyte kanina han 10:30 han aga, December 21.

Ha report han Police Regional Office 8, ginkilala an mga biktima nga hira Peter Japson, ada na ha sakto nga pangidaron, may asawa, usa nga barangay kapitan han Brgy. Libertad, Abuyog, Leyte. Ginmamaneho ni Peter Japson an usa nga canter truck. Sakay gihapon hini hira Evelyn Japson, may asawa; Jerome Japson, ada na ha sakto nga pangidaron.

Ginkilala naman an driver han Toyota Fortuner nga hi Sala Abusamah, ada na ha sakto nga pangidaron. Sakay ginhapon hini hira Salahudin Usman, 20 anyos; Ins Maslang, may asawa; ngan Ismael Aguirre.


Nagawas ha imbistigasyon han mga otoridad, malaksi an padalagan han Toyota Fortuner bis pa man madalunot an kakalsadahan tungod han mga pag-inuran. Nawarayan ini hin kontrol rason nga nag-encroach ini ha usa nga lane ngan bumunggo ha katapo nga sarakyan nga canter truck.

An canter truck in tikang ha Brgy. Libertad, Abuyog, Leyte tipakadto ha Baybay City, Leyte samtang an toyota fortuner naman in tikang ha Surigao tikadto Manila.

Dead on arrival hi Peter Japson, Evelyn Japson ngan Ins Malang.



Facebook Comments