Sa interview sa DXDC RMN Davao kang Police Corporal Reynaldo Escalona, personahe sa Bunawan Police Station, iyang gibutyag nga dili na mukaso ang kampo sa mga biktima batok sa driver sa truck nga si Irenio Gealon, 50 anyos nga taga Panabo City, Davao del Norte.
Ang mga biktimang namatay nailang sila Ernesto Bernardez, 41 anyos (driver sa van) nga taga Toril ug iyang mga sakay nga sila Mark Anthony Bernardez, 26 anyos, (helper) nga taga General Santos City ug Randy Calibay, 38 anyos taga Malita, Davao Occidental.
Sa imbestigasyon, nagbiyahe ang duha ka sakyanan sa Daang Maharlika Highway padulong sa norte nga bahin ug sa dihang muliko na patuo ang truck samtang naka-signal light, kalit lang nga mibangga ang nagsunod nga bonggo rason sa kamatayon sa mga biktima.
“Sa pagkakaron, nagka-settle na ang tag-iya ug ang biktima. Nagpabuhat daw sila og agreement. Dili na sila mo-file og kaso kay naa na silay settlement,” saysay sa pulis.
Pahimangno sa otoridad sa mga motorista kanunay nga mag-amping aron malikayan ang mga insidente sa dalan.
RadyoMaN Kirby Manzon
