Pinaagi sa kumpirmasyon sa Local Government Unit (LGU) Maragusan ug sa pamilya sa biktima, ang casualty giila nga mao sila Ananias Andoy, 56 anyos, Virginia Buhian, 59 anyos ug Jerlyn Lada, 12 anyos kinsa mu-gradwar na unta sa elementarya.
Ang mga biktima natabunan sa midahili nga yuta tungod sa kusog ug walay undang nga pag-ulan.
Sa report usab sa MDRRMO Maragusan, tulo palang ang napalgan ug adunay usa nga nagpabiling missing.
Post pa ni Anna Andoy, anak sa usa sa mga biktima nga wala sila magtuo nga mao kining dangatan sa iyang amahan ilabi na nga bag-o lang kini nagsaulog sa iyang adlaw nga natawhan.
Subay niini, nanghangyo si Maragusan Mayor Lito Cabalquinto sa katawhan nga mu-evacuate na dayon kung wala nay hunong ang ulan ilabi niadtong nagpuyo duol sa sapa ug buntod.
RadyoMaN Ivy Parido
