Sa interbyu sa DXDC RMN Davao kang Police Col. Kirby John Kraft, DCPO City Director, i-activate na sugod karong adlawa January 28, 2022 ang tulo ka mga police stations, ang PS 14 Maa sa pagdumala ni Police Major Jun Bautista, gitudlong station commander sa PS 19 Eden mao si Police Major Marvin Hugos ug PS 20 Los Amigos mao si Police Major Elisa Ramirez kinsa kanhi DCPO-Women Children and Protection Desk chief.
Tumong sa mga gidugang nga mga istasyon sa kapulisan aron matutukan ug mabantayan ang kadako sa area sa syudad, nagkadaghang populasyon sa mga tawo ug mga investments.
Kahinumduman unang na-activate ang PS 13 Mandug, PS 17 Baliok, PS 15 Ecoland sa walo ka mga additional police stations diin 18 na ka mga istasyon karon ang operational sa dakbayan.
RadyoMaN Aimee Guinita
