Tres preso del Zamboanga City Police Station 9 (Ayala) endenantes ala una (1:00 AM) del madrogada desde na celda uno.
El mga escapee ya identifica como canda Eddie Jalalan Salazar, Edric Juaton Sapayla y Ernard Villamor Raveche.
Ya pwede sabe kay el tres ya trabesa na detras del celda donde el diutay ventilation window donde ya destrosa con el cabilya.
Si Salazar y Sapayla egual tiene el caso por el violation del Acto Republica 9165 o el COMPREHENSIVE DANGEROUS DRUGS ACT OF 2002, mientras si Raveche tiene caso de Homicide donde todo sila ta espera el diila commitment order para el transferida para na Zamboanga City Jail.
El elementos del Ayala Police Station que ya encabesa el deuputy commander Ins. Haran Ulah ya conduci el hot pursuit operation na lugar por el diila posible locacion y ya coordina ya tambien na otro fuersa de otoridad para ayuda na destos aresto pero negativo el resulta.
Mientrastanto el duty personajes del mencionao estacion ya conduci el mga checkpoints mientras con el intelligence operatives ya ordena para mobiliza el diila mga resources ya conduci el follow up operation.
Con el guard on duty Police Officer Two Bernardo Mariano yan relieve na pwesto pendiente el investigacion.
