Davao City – Tulo ka mga pribadong hospital sa Davao ang gilaraw nga mudawat og mga pasyinte sa coronavirus isip back-up sa Southern Philippines Medical Center (SPMC)
Matud ni Davao City Mayor Sara Duterte, girekomindar sa mga doktor nga mangandam alang sa worst case scenarios sa higayong modagsa ang mga pasyinte sa coronavirus sa dakbayan.
“Gihimo na nato silang reserved COVID-19 private hospitals. Meaning giingnan na nato sila na selected na sila to be a COVID-19 hospital in the event nga magkulang ang facility sa SPMC, they will be asked to open as a COVID-19 private hospital,” saysay niini.
Matud sa Mayor, ang maong tulo ka pribadong tambalanan nakig-koordinar na alang sa himoong pagpangandam.
“Gamiton ba nato sila? We do not know. Kinahanglan ba nato sila at this point? Dili pa,” segun niini.
Lauman, ang surge o pagdaghan pa sa kaso sa syudad tungod sa gihimong intensified case finding ug random testing.
RadyoMaN Aimee Guinita
