El portavoz del Pulicia Local, si Insp. Edwin Duco ya habla que total de tres maga pulis del Ayala Police Station ya pone bajo na City Police Accounting and Holding Unit amediante ta enfrenta estos el investigacion seguiendo el escapo del tres detenido del Domingo madrogada con quien todo tambien ya puede cuji despues delcuantos hora.
Asegun con Duco masquin pa ya puede recobri con el tres detenido, gende quiere decir salvao ya el tres pulis na investigacion donde tene pa siempre estos que enfrenta el que se llama administrative y criminal cases.
El tres maga pulis ta composita el un oficial y dos gnede oficial.
Mientras ta continua el investigacion, si Duco ya habla que estos tres pulis ay ayuda con el otro maga pulis el mantenida del paz y orden amediante el celebracion del Hermosa Festival.
