Davao City – Nasikop sa kapolisan ang tulo ka pusher human gikasa ang Anti Criminality/Terrorism Clearing Operation ug buy bust operation sa Sta Ana PNP.
Sa report gikan sa Sta Ana PNP unang nadakpan alas 2:30 sa kaadlawon didto sa Purok 1,Mabini Brgy. 31-D ning syudad naila sa pangalang Juraid Laurente Hasim, 18 anyos usa ka ulitawo ug laborer.
Ikaduhang nasikop alas 12:35 sa hapon didto sa Purok 2, Brgy. 23-C ning dakbayan resulta sa pagkaaresto nila Michael Telempros, 35 anyos, ulitawo usa ka electrician ug laing usa ka Neil Harron Suico Andan, 18 anyos, single, laborer parehong residente sa nasangpit nga lugar.
Narekober sa posisyon ni Laurenti Jasim ang usa ka sachet sa gidiling droga nga adunay estimated St.Value nga 500.00 pesos samtang nakuha sab sa posisyon nila Telempros ug Andan ang duha ka sachet sa gituohang shabu nga mukantidad og 1,500.00 pesos lakip nakompiska ang buy bust money nga 500.00 pesos ug illegal drug paraphernalias.
Matod pa, gikonsidera sa kapolisan ang duha ka mga dinakpan nga sreet level target.
Ang tulo ka mga dinakpan balhug na sa kapolisan sa Sta. Ana PNP ug mag-atubang ug kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
