Koronadal City—Samdan ang driver ug duha ka backriders sa motorsiklo atol sa natigayong disgrasya sa dalan sa may National Highway nga sakop sa Brgy. Zone 2, Koronadal City, alas 10:30 kagabie, Hunyo 02, 2021.
Lambigit nga sakyanan mao ang usa ka Ford Ecosport nga gimanihuan sa usa ka Warix Mupak Tumamin ug usa ka unit sa Yamaha motorcycle, nga ginamanihuan usab ni Jerome Pama.
Sa imbestigasyon sa Traffic management Section sa Koronadal City Police Station, gikan sa roundball ang Ford Ecosport apan pag-abot atubangan sa Green Valley, Brgy. Zone II hinay-hinay kining miliko apan aksidente nga nabanggaan niini ang atubangan nga bahin sa motorsiklo.
Gumikan niini nakaangkon ug grabeng samad driver sa motorsiklo kansa gidala gilayon sa South Cotabato Provincial Hospital uban ang mga backriders niini nga silang si Joana Gwen Plang ug Grason James Pama.
Sa karon nagpadayon ang gihimong imbistigasyon sa Traffic Section sa koronadal PNP kalabutan sa maong insidente.
