Davao City- Tulo ka managlahing Scheduled Power Interruption ang ipahigayon sa Davao Light and Power Company kun DLPC dinhi sa syudad sa Davao sugod ugmang adlawa kutob December 9, adlawng Sabado.
Sumala sa DLPC, ugmang adlawa, December 7 makasinati og walay supply sa kuryente ang pipila ka bahin sa Calinan ug Buda sugod alas 5 kutob alas 9 sa buntag diin tungod kini sa nagpadayong bridge construction sa Department of Public Works and Highways kun DPWH XI samtang karong December 8, adlawng Biyernes, upat usab ka oras nga walay supply sa tubig ang pipila ka parte sa Indangan sugod alas 5 kutob alas 9 sa buntag tungod sa relocation sa mga poste subay sa gipahigayong road widening project sa DPWH.
Dugang niini, 5 ka oras nga naka-schedule nga walay kuryente ang bahin sa Gumalang, Baguio Dist., Calinan karong December 9, adlawng Sabado sugod alas 8 sa buntag kutob ala 1 sa hapon gumikan sa pag upgrade sa linya sa kuryente sa maong lugar.
Alang sa mga pangutana, mamahimong mutawag lang sa DLPC nga 24/7 Call Center Service 229-3572.
RadyoMaN Renz Barbarona
