3 sikop, P220K droga nasakmit sulod sa drug den

Davao City- Malampusong na-dismantle sa pagpanguna sa Philippine Drug Enforcement Agency Regional Office XI – Davao del Norte Provincial Office kauban ang Panabo City Police Station ang drug den sa Purok 2, Barangay Kasilak, Panabo City, Davao del Norte.

Arestado ang 27 anyos nga subject sa buy-bust operation nga si Darwin Lafuente kinsa naaktuhang namaligya’g P10,000 kantidad sa shabu sa PDEA agent nga nagsilbing poseur buyer.

Nadakpan usab ang giingong mga bisita sa drug den nga sila Daryl Martinez ug Jemboy Panilag nga nag pot session.

Nasakmit sulod sa drug den daghang pakete sa shabu ug marijuana, assorted drug paraphernalia ug buy-bust money.

Matud sa PDEA XI, mokantidad sa P220,000 ang nasakmit nga mga illegal nga droga sa sulod sa maong drug den.

Kasong paglapas sa Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings) sa Republic Act 9165 kun Comprehensive Dangerous Drugs Act of 2002 ang atubangon sa tulo ka mga dinakpan.

RadyoMaN Aimee Guinita