General Santos City—sikop ang 3 ka mga suspetsado sa sunod sunod nga operasyon sa kapulisan sa managlahing lugar sa syudad.
Unang nasikop si Bryan Rosas Lasala, 27, residenti sa Silway Kasilak, Barangay West, Gensan alas 3:35 ang takna sa hapon kagahapong adlawa diin napalitan kini ug (1) ka sachet sa gituohang shabu.
Sunod nga nadakpan ang suspek nga si Galorio Manansala, alias Joel, 36 anyos ug residenti sa Sarangani Homes Phase 1, Barangay San Isidro ning dakbayan alas 7:25 ang takna sa gabie. Napalitan sab ang nasangpit ug usa ka sachet sa gituohang shabu.
Samtang alas 12:45 ang takna sa kabuntagon kaganina lang dihang nasikop ang suspek nga si Jhon Patrick Hubines, 34, residenti sa VS Homes, Barangay San Isidro. Nasikop ang nasangpit sa NLSA Road, Barangay Lagao Gensan human napalitan ug usa ka pakete sa gituohang shabu.
Sa kasamtangan, ginahikay na sa kapulisan ang pagpasang-at ug kasong paglapas sa RA 9165 batok sa mga suspetsado.
