General Santos City—sikop sa operatiba sa Police Station 2 ang tulo ka mga suspek atol sa sunod sunod nga operasyon sa kapulisan sa managlahing lugar dinhi sa dakbayan sa Gensan.
Unang nadakpan ang suspek nga si Francis Apillo,legal age, residenti sa Prk. Lanton, Barangay Apopong ning syudad kung asa napalitan ang nahisgutan ug (1) ka sachet sa gituohang shabu gamit ang P500.00 nga marked money.
Sunod nga nadakpan ang mga suspek nga silang si Reynaldo Burlaza nga taga Prk. San Roque Barangay Labangal. Siya napalitan usab ug (1) ka sachet sa Shabu.
Sunod nga nasikop ang usa ka Tongal Dali, legal age, residenti sa Prk. Saway Barangay Labangal kansa nasikop usab sa operasyon sa kapulisan human nga dunay nakasumbong sa otoridad nga lambigit usab kini sa pagpayuhot ug iligal nga druga.
Wala na nakapalag ang suspek human nga nakorner sa nagoperate nga miyembro sa Police Station 2.
Kasong paglapas sa RA 9165 ang gikatakdang atubangon sa mga suspetsado kansa nagpabiling balhog karon sa silda sa kapulisan.
Nasayran nga dugay nang gi-surveillance sa kapulisan ang mga suspek gumikan sa iligal nilang gimbuhaton.
