CAUAYAN CITY — UMABOT SA APAT NA ORAS ANG MATINDING TRAPIKO SA KAHABAAN NG DAANG MAHARLIKA MATAPOS ANG TATLONG MAGKAKAHIWALAY NA AKSIDENTE MULA GABI NG OKTUBRE 30 HANGGANG MADALING ARAW NG OKTUBRE 31.
BATAY SA ULAT NG PNP–STA. FE, UNANG NAAKSIDENTE ANG ISANG TRAILER TRUCK NA KARGADO NG PLYWOOD MATAPOS UMANO ITONG MAWALAN NG PRENO.
PINILING IBANGGA NG DRIVER ANG SASAKYAN SA RAILINGS UPANG MAIWASANG MAHULOG SA BANGIN. SUGATAN ANG PAHINANTE AT ISANG BABAENG KASAMA MATAPOS TUMALON MULA SA TRUCK, AT NADAGANAN NG MGA PLYWOOD ANG ISA SA KANILA.
ISANG KILOMETRO MULA ROON, NASIRAAN NAMAN ANG ISANG TRUCK NG SOFTDRINKS, HABANG ISANG TRUCK NA KARGADO NG KAMATIS ANG NAAKSIDENTE RIN MALAPIT SA BOUNDARY NG CARRANGLAN, NUEVA ECIJA.
NAGRESULTA ANG TATLONG INSIDENTE SA HALOS HINDI UMUUSAD NA DALOY NG MGA SASAKYAN, DAHILAN UPANG MAANTALA ANG BIYAHE NG MGA MOTORISTA NANG HANGGANG APAT NA ORAS.
