Davao City – Maayo matud pa ang pagdumala sa administrasyong Duterte sa unang tulo ka tuig sa 6-year-term niini.
Base sa opinyon sa usa ka residente sa may San Pedro st. ning syudad sa Davao nga si alyas Jane atol sa interview sa programang Straight to the Point, adunay kalamboan sa pagpakgang sa iligal nga droga sa nasud Pilipinas ilabi na ngadto sa mga drug leaders.
Samtang naglaum karon ang katawhan nga madunggan sa State of the Nation Address kun SONA ni Presidente Rodrigo Duterte ang kalabotan sa paghatag og pagtagad sa kalisod sa mga Pilipino ingon man mahatagan og daghang oportunidad sa pagpanarbaho ang mga fresh graduates ug daghan pang uban.
Ipahigayon ang SONA sa pamuno-nasud karong July 23, 2018 nga himuon sa Batasang Pambansa plenary hall diin kini na ang iyang ikatulong SONA sukad kini milingkod isip presidente sa nasud Pilipinas.
Justin Togonon and Jochard Sevilla, UIC interns
