Patay ang 30 anyos nga lalaki human gitigbas sa Calaanan, Barangay Canitoan ning syudad pasado ala una sa kadlawon kagahapong adlawa.
Matud ni Corporal Divine Palma, sa Police Station 7 Bulua, nga naila ang biktima nga si Cristopher Salisi, 30 anyos, usa ka construction worker.
Samtang suspek naila nga si Joseph Angtajas, 24 anyos, silingan sa biktima.
Nasayran nga nanawag og polis ang tanud sa Barangay Canitoan, human nga nakit-ang ang lawas ni Salisi nga nagbuy-od sa Block 19 sa maong lugar.
Naangkon sa biktima ang samad dinunggaban sa wala nga bahin sa dalunggan ug nawung nga maoy hinungdan sa iyang kamatayon.
Giingong ‘’misunderstanding’’ ang hinungdan sa insidente.
Samtang padayon pa nga gipangita karon sa kapolisan ang suspek nga si Joseph Angtajas nga misibat human sa insidente.
Nasayran nga narekober sa panimalay ni Angtajas ang bolo nga maoy gigamit sa pagtigbas ni Salisi.
Sa karon padayon pa ang imbestigasyon sa kapolisan kung unsa gyud ang gilalisan sa duruha nga nagresulta sa pagpanigbas.
