Sinalakay ng mga otoridad ang isang tahanan sa Barangay Bambang, Pasig City pasado alas-8:00 kagabi na umano ay pinamumugaran ng mga drug pusher.
Naaresto ng mga otoridad sina Liza Martinez Cruz, 39-anyos, Francis Martinez Cruz, 44-anyos, Oliver Eleria Rodriguez, 41-anyos, at Jose Rivera Samson, 63-anyos.
Nasamsam ng mga pulis mula sa lugar ang 30 grams na hinihinalang shabu na may katumbas na halaga na P204,000.
Malaban sa ipinagbabawal na droga, nakuha rin ng mga otoridad ang ilang drug paraphernalia at isang kotse na pag mamayari ng suspek na si Samson.
Ang ginawa pagsalakay ng mga otoridad ay isang buy-bust operation ng Station Drug Enforcement Unit ng Pasig Police, katuwang ang District Drug Enforcement Unit ng Eastern Police.
Nakakulong na ang mga drug suspek sa Eastern Police District Custodial Facility at nahaharap ito sa kasong Paglabag sa Republic Act 9165 o Comprehensive Dangerous Drugs Act of 2002.
