Sa suwat pamahayag nga gipadala ni 10th ID Spokesperson Army Major Mark Anthony Tito, nasuta nga 12 ka IP College ug 18 IP high school students ang gisuportahan sa maong division aron makatungha diin ang naasoy nga mga batan-ong IP sakop sa Ata-Manobo sa Lungsod sa Talaingod, Davao Del Norte.
Ang suporta gipaagi sa pag-tukod sa baguhay lang nga gi-inagorahan nga TATAG IP Students Tourism Center nga nahimutang sa Purok 6-A, Santo Niño, Talaingod, Davao del Norte.
Ang operasyon sa tourism center gikan 6:00 sa buntag ug manirado 10:00 sa gabii, dinhi usab magsumikad ang pondo nga gamiton sa pagsuporta sa educational requirements sa 30 ka IP Student lakip na ang dormitory expenses ug allowance.
Nasuta nga ang 56th Infantry “TATAG” Battalion Philippine ubos sa 10th ID nga inayudahan sa 7th Air Reserve Center sa Philippine Air Force maoy nagpasiugda sa maong proyekto.
Gibutyag sa usa sa mga benepisaryo nga si Misiyang Dogiyon nga wa gayo’y ni usa sa ilang komunidad nakahuman og edukasyon ug gani nag-inusara pa kini nakatungtong sa kolehiyo.
Sa pikas bahin, misaad si 10ID Commander Major General Jose Eriel Niembra og padayon nga pagsuporta sa foundation ug sa mga IP Students aron makab-ot nila ang ilang mga damgo ug maayong kaugmaon.
RadyoMaN Joel Viray
