30 ka balay apektado sang seal off sa barangay 14 sa syudad sang Bacolod

19

Kapin sa 30 ka mga panimalay ang apektado sang seal off sa Brgy. 14, Bacolod City matapos nga nagpositibo ang isa ka barangay kagawad kag utod sini, kag isa ka empleyado sang Public Order and Safety Office (POSO) sang city government.


Sa interview sang DYHB kay Punong Barangay Carl John Magno, gin-confirm sini nga ang barangay kagawad kag utod sini ang confined karun sa hospital samtang ang POSO employee ang yara na sa quarantine facility.

Suno kay Magno, Hulyo 24 pa na-confine sa hospital ang kagawad matapos ini nakabatyag sang balik-balik nga hilanat samtang utod sini nga nagatrabaho sa isa ka hospital ang na-hospital naman humalin pa sang Hulyo 26.

Samtang ang POSO employee wala sang may ginabatyag nga sintomas ukon asymptomatic kag gindala na ini sa quarantine facility upod sa iya asawa.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments