Davao City – Kapin 50 ka mga pamilya ang naapektuhan sa sunog nga niugdaw sa 30 ka mga balay ala una e media sa hapon sa Purok San Jose Carmelite, Buhangin Davao City.
Nahinabi sa DXDC RMN Davao si Wilma Gonzales 54 anyos residente sa nasampit nga lugar ug sya nagsugilon nga wala gyoy bisag usa ka butang sulod sa ilang balay ang iyang nasalbar, tanan nahurot og lamoy sa kalayo.
Inisyal nga imbistigasyon sa kabumberohan nagbutyag nga naggikan sa balay sa usa ka Norberta Naypa ang sunog diin short circuit ang hinungdan.
Si Davao City Fire Station Inspector Christian Cena nag-ingon nga maayo na lang kay walay gikareport nga nasamdan o napaso sa maong sunog nga gidiklarang fire-out 4:25 sa hapon. (Kasamang Don Pulayao)
tags: Mindanao, Davao City, DXDC, DXDC 621, Don Pulayao, BFP, Davao City Fire Station Inspector Christian Cena
